15.一別兩寬 (第4/5页)

他人，徑直走入一間超大的獨棟車庫。

    「耀揚高級汽車服務中心」，是雷耀揚出巨資買下的車行埗地，毗鄰成龍的威禾電影公司，足以可見他耀武揚威的性格不輸給烏鴉半分。

    「壞腦，貨到咗未？」

    「梗係啦。」

    雷耀揚的近身壞腦同他一起入庫房，談起不法生意。

    「交易順唔順利？」

    「年頭我去咗Bruma同班仆街傾掂數，過咗錢啦。後尾喺龍潭鎮攞貨，經內地落廣州，批貨放咗喺我哋深圳嘅貨倉，今次搵咗個白手中港司機偷運落香港。」

    「嗯，壞腦你份人心思細密，做嘢一向穩陣，信你計過度過實唔會舐嘢。」

    內部幾名車工卸下一輛大貨車的車門，搬到鐵臺上：「Power哥，D貨收埋咗喺車門入面。」

    奔雷虎另一名武力型近身Power稍一用力便把鐵皮掀開，內部赫然放置了四大包白面。

    雙獅地球、三星環、金象。

    「阿大，貨齊晒。」Power檢查了貨，確認無誤。

    「嗯，數量好多。」雷耀揚很滿意。

    壞腦上前掂量，舉起一包十公斤重的雙獅：「呢批貨有成80%純度，係極品嚟?，每塊三乘四寸，重三百五十克，一共30塊，市值1200萬。」

    1200萬的數字驚得旁人舌橋不下。

    「哇，咁多錢，呢鋪發達啦！」

    「呢度少少貨就值幾層樓，好癲。」

    雷耀揚早見慣毒品大場面，淡定開口：「一個二個無見過世面咁款，呢批白面一日未賣出去一日都唔係錢，嗱嗱聲揾人稀釋，分俾拆家，盡快散貨盡快收水。」

    「阿大，最近有D棘手嘢。」Power眼睛一瞇：「洪興屯門嘅揸fit人恐龍，攪我哋灣仔D生意…」

    「恐龍？哈，佢撈客撈到去陳浩南陀地啦？」雷耀揚不以為然地吸了口煙。

    「佢哋洪興內部有D乜我就唔知，不過恐龍就搶咗唔少客，有幾個拆家都接咗佢D貨。」

    「係啊？」

    廖成剛早就想插手這盈利豐厚的生意，雷耀揚在其協助下，已暗中於灣仔立足，私下提供散出不少貨，撈得一大票好處。

    現在殺出個洪興恐龍要分一杯羹，眼裏容不得半點沙子的他豈能袖手旁觀。

    哼，洪興？雷耀揚一條毒計躍然心頭。

    ○○○○○○

    第二日晚銅鑼灣駱克道463－483紐約戲院的對面，洪興屯門摣fit人恐龍摟着條女與細佬們眉開眼笑，滿臉自鳴得意。

    恐龍是葵青摣fit人韓賓的親生大哥，真名「韓琛」，已執掌屯門4年，彪悍粗野的作風使其他想要涉足該地區的人倍感棘手，至今維持屯門清一色的局面。

    他摸了摸懷裏條女的腰，被她兩個晃蕩的大乳勾得yin心大動：「你條仔呢？」

    女人媚笑：「啊呀，你真係黐線~」

    恐龍大手一擺，回頭對跟班吆喝：「喂，唔使跟住我啦，自己周圍去happy下，我哋仲有緊要嘢做~」

    細佬們聽令馬上應聲：「我哋識做?啦大佬，走先啦。」

    他急不可耐要與條女春宵，走到泊車檔要車：「我架車呢？」

    「架車即刻到啊，恐龍哥~」

    人高馬大的Power帶領五六個人上前攔住了去路。

    「久仰啦，恐龍哥。」

    恐龍是個粗人，頭腦簡單專橫跋扈，暴躁地回答道：「乜事啊？」

    「唔好意思阻你一陣，雷生想單獨同你傾下偈。」

    「邊個係雷生？」

    「東星嘅雷